Wednesday, November 19, 2008

Terebai Tinggi Baka Menaul (Memuncak Naik Seperti Rajawali)

Yes 40:31

Nama kebuah urang ti nganti/arap ke penyaup ari Tuhan bulih pengering ti baru? Enda lelak lalu disempama baka burung menaul? Nama banding burung menaul enggau kitai?

Burung menaul siti ari bengkah pengawa ti digaga Tuhan ti balat dipuji. Nambah ke nya, nama ia disebut 38 kali dalam Bup Kudus enti dibanding enggau nama burung bukai ti jarang disebut.

Peninggi ia enti udah besai tuai ulih datai 90cm lalu kerembai sayap ia datai 2m. ia rindu diau ba atas bukit ti tinggi sereta puchuk kayu ti pengambis tinggi. Amat neh? Lalu nitih ke pansik, pemerat sarang ia dipelaba ka dalam 700kg. Amat nya kini? Amat!

Pelaba aku, menaul meh burung ti nadai ditupi urang. Taja bisi tentu ia jarang laban ia pedis diulih ka. Nyema bisi, nya pun bansa menaul ti mit(menaul burik) lalu ia ka dipeda kitai ba zoo tentu ia enda narit ati laban ia runggu lalu bulu ia kamah laban pendiau ti enda menyana dalam zoo.

1. Semua anak menaul mesti belajar terebai

Ari terubah sida ada, indai sida meri sida makai. Maya tu sida semina makai enggau tinduk aja. sama meh baka kitai. Udah sida besai, indai sida enda agi mai pemakai ke sida tang ia entachang ari atas lalu ngusak sarang ia enggau naka pemalat ngujung ka bala anak ia takut. Ia lalu nyapai siku ari anak ia nya terebai ke atas lalu ngeleka ka ia tekala nya. Anak tu tadi nguji nyelamat ke diri tang enda ulih. Sebedau anak tu terempas, ia lalu nanggung enggau belakang lalu terebai ke atas baru. Indai ia ngulang tu enggau suah datai ke anak tu tadi mereti indai ia ngajar ia terebai. Dalam pengelama 15 kali nya baru anak tu ulih terebai kediri.

Tuhan=menaul, kitai=anak Ia. Lebuh baru nerima Tuhan, uuu..nyamai magang utai dempa. Tiap-tiap ari rajin ke gereja. Udah 4-5 bulan, penyamai nya dikacau. Asai ke digusak enggau naka pemalat pengarap kitai. Macam penanggul nuntung kitai lalu kumbai kitai pengawa sitan. Tang Tuhan ngemendar ka utai tu nyadi ambi kitai mansang besai tuai. Datai ba maya ia kitai ngena sayap kitai. Taja pan kekadang tusah amat asai ka deka terempas, tang Tuhan selalu ngemata ke kitai lalu mai kitai katas baru.

2. Diau ba endur ti tinggi

Peluang meda ia semak ia nya ba zoo tau ka ba Animal Planet. Hiks..Ba zoo, ia dikurung dalam sangkar lalu bulu ia dibalut pengamah zoo. Ia burung ti pengambis beresi. Rindu diau ba endur ti tinggi lalu nya kebuah bala 'hunter' pedis ka nimbak ia laban seterum sida enda datai ba endur nya. Ia ngembuan mata ti paling lansik ba dunya. Maya terebai/ensayak ia ulih meda cit ti mit beratus meter di baruh. Maya ujan/kudi ia terebai ngeluie(ari atas) remang ngelari ke diri.

Laban kitai baka menaul dalam Tuhan, kitai dikangau pansut ari pengamah dunya. Tuhan ngasuh kitai merati ke utai ti di atas aja(kol3:1-2). Enti kitai rindu ke dunya, kitai kena balut pengamah(dosa) dunya. Kamah dipeda Tuhan. Mata roh kitai 'buta'. Juluk ati kitai sempit(enda mansang). Enti terebai tinggi setinggi, mata roh kitai ulih meda enggau lansik, lansik ari mata mensia dunya(manusia duniawi). Kitai deka meri visi kitai ngagai dunya. Aram kitai sama meransang pangan diri nyadi anak menaul Tuhan ti kudus baka Ia. (1 Yoh5:4-5).

3. Menaul enda ngebap ke sayap aja tang ia mega ensayak/entachang

Nganti ribut ti ngam, ia ngerembai ka sayap lalu ngawak ke angin ngasuh ia katas. Ia jarang ngebap ke sayap; bepusin-pusin lalu arap ka ribut. Tu ti ngasuh ia enda mudah lelak maya terebai. Nabi Yesaya madah kitai deka bulih pengering ti baru ba pengering sayap kitai maya kitai nganti penyaup ti datai ari Tuhan.

Kitai mesti belajar nganti Tuhan nyaup kitai. Ba Bup Kudus "angin" ngambar ke Roh Kudus (Yoh 3:8, Kis2:2). Enda ibuh kelalu beamat-amat semak ngagai Jesus tang Roh Kudus ti ngiring kitai semak ngagai Ia, amin? Ia ti nulung kitai maya kitai mela pengawa Tuhan, maca jaku Ia tau ka besampi. Tuhan besemaya meri kitai pengering (Kis 1:8).

4. Bisi maya beganti bulu

Menaul tu panjai umur. Pengudah umur ia 60 taun, ia terebai ngagai endur ti sunyi atas bukit ti tinggi lalu ngeramak semua bulu ia ke jai ambi ia ulih idup datai ka 120 taun! Bulu-bulu ti jai ngacau ia terebai(nyadi ka pemerat) sereta nagang ia terebai tinggi. Udah bekau keramak tu tadi ngujung ka ia bakal ti balat lalu tubuh ia bedarah! Enggau sabar ia ngelak ke diri dipancar mata ari datai ka telih ia suman, lalu bulu ti baru pun tumbuh.

Perlu kitai kekadang ngenati kediri ba endur ti sunyi, 'muai dosa'. Dosa tu ti nyadi ka pemerat maya kitai ka semak enggau Tuhan/mansang dalam Tuhan (Ibr 12:1). Maya ngelepas ka dosa tu udah tentu ia bisi 'side effect' tauka kesan sampingan/pemedis bukai pansut; baka pedis ati, ringat, begedi enggau pemedis bukai. Enti tu nyadi, awak ka Tuhan ti manchar kitai enggau pengerai ti baru, ngasuh kitai nyadi baru lalu bebuah ukai semina 2-3 igi aja tang lebat (John 15:2). Maya dan/ranggas ti jai dibuai/dijarau, ia sigi ngenatai ka pemedis. Tang tu meh maya Tuhan nganti utai ti lama enggau ti baru. Tiap ari, nguji kitai meri awak nganti Tuhan nyaup kitai. Buai semua pemerat ti nanggul kitai terebai(mansang) dalam Tuhan.

5. Ia mega nemu sakit

Baka kitai, menaul mega nemu sakit. Maya nya, ia duduk atas batu atas bukit ti tinggi, nganti panchar mata ari ngerai ka ia.

Ulih betemu enggau lutor maya kitai sakit tang ia ti pengambis bisa/sumber utama ti meri pengerai datai ari Tuhan. Mayuh penyakit enda ulih digerai ke lutor(Kis 3:6). Menyadi, arap meh enggau amat ka Tuhan ti ngerai ka kitai. Nganti Tuhan ambi Ia manchar ka pengerai ngagai penyakit nuan(Mat 11:28)

6. Tuai lalu mati

Siti utai ti chukup nyelai tauka 'special' ko urang putih pasal menaul tu. Maya ia ngasai deka mati, ia lalu terebai ngagai endur ti sunyi ti dikerindu ka ia. Dia ia lalu ngali ka diri lalu ngeruyung ka sayap ia, nyerangkap baka pua ti malut tubuh ia, merening mata ari datai ke seput ia padam.

Kitai mega ngarap ke diri baka tu. Maya kitai tuai lalu deka mati, kitai ulih nyendia ke diri enggau pengidup ti diserayung pemendar ari jaku Tuhan, lalu mata kitai nuju ngagai Jesus; Juruselamat kitai. Ia ti udah mati lalu angkat ngalah ka pemati, lalu mai kitai selamat ari terempas ngagai darung pemati. Tu meh ti ngasuh kitai menang, lebih ari urang ti menang. Amin! (Yoh5:24)

Thursday, November 6, 2008

Termangu Depan Komputer


6/11/08
fuhh..*tarik nafas lega* akhirnya tarik nafas lega lepas click sana click sini..cancel sana cancel sini..berjaya juga create blog yang tak seberapa ni..yalah, tak terfikir pulak nak buat blog *chuckle* kalau pasal browse blog member lain, memang suka..sambil korek2 rahsia durang.. *ktawa sambil bertanduk* nantilah kalau ingat..kasih input lagi..hiks..